कीर्तिपुरमा भाद्र २२ र २३ गते सन्चालन भएको कीर्तिपुर भेट्रान्स ४०+ फुटसलको उपाधी फ्रिडम फाइटर्स ‘बी’ले जितेको छ। गत शनिबार भएको फाइनल खेलमा फ्रिडम फाइटर्स ‘बी’ ले फ्रिडम फाइटर्स ‘ए’ लाई २ – ० ले हराउँदै उपाधी आफ्नो हातमा लिन सफल भयो।

चुस्त दुस्त ब्यवस्थापनका साथ सम्पन्न भएको उक्त प्रतियोगितामा काठमाडौं भित्र र बाहिरका गरेर ३० टिमले सहभागिता जनाएका थिए।

प्रमुख अतिथी वागमती प्रदेश सरकारका संस्कृति, पर्यटन तथा सहकारी मन्त्री पुकार महर्जनले प्रथम हुने टिमका खेलाडीहरुलाई प्रमाणपत्र, मेडल र ट्रफी प्रदान गर्नुभएको थियो। पुरस्कार वितरण तथा समापन समारोहमा बोल्दै वागमती प्रदेश सरकारका संस्कृति, पर्यटन तथा सहकारी मन्त्री पुकार महर्जनले प्रदेश सरकार र ब्यक्तिगत तर्फबाट पनि आफ्नो साथ र सहयोग रहिरहने प्रतिवद्धता जाहेर गर्नु भएको थियो।

विजेता फ्रिडम फाइटर्स ‘बी’ ले नगद रु. ५०,००० प्रमाणपत्र, मेडल र ट्रफी पाएभने उपविजेता फ्रिडम फाइटर्स ‘ए’ ले नगद रु. २५,००० प्रमाणपत्र, मेडल र ट्रफी पाए।

फ्रिडम फाइटर्स ‘ए’ का राजकुमार घिसिङ ले उत्कृष्ट खेलाडी को उपाधी जित्दै नगद रु. २५००, प्रमाणपत्र, मेडल र ट्रफी प्राप्त गरे भने फ्रिडम फाइटर्स ‘बी’ का कमल विष्ट उच्च गोलकर्ता को उपाधी जित्दै नगद रु. २५००, प्रमाणपत्र, मेडल र ट्रफी प्राप्त गरे। वाखत फुटसलका धनबहादुर पुनले उत्कृष्ट गोलकिपरको उपाधी जित्दै नगद रु. २५००, प्रमाणपत्र, मेडल र ट्रफी प्राप्त गरे।

पुरस्कार विजेता हरु

विजेता: फ्रिडम फाइटर्स ‘बी’

उपविजेता: फ्रिडम फाइटर्स ‘ए’

उत्कृष्ट खेलाडी: राजकुमार घिसिङ “फ्रिडम फाइटर्स ‘ए’”

उच्च गोलकर्ता: कमल विष्ट “फ्रिडम फाइटर्स ‘बी’”

उत्कृष्ट गोलकिपर: धनबहादुर पुन “वाखत फुटसल”

कीर्तिपुर भेट्रान क्लब किर्तिपुर १० को आयोजनामा कीर्तिपुर भेट्रान्स ४०+ ओपन फुटसल यही भाद्र २२ गते शुक्रबार र २३ गते शनिबार क्रिनगर फुटसलमा हुन गैरहेको छ। कीर्तिपुरमै पहिलो पटक हुन लागेको भेट्रान्स ४०+ ओपन फुटसलमा काठमाडौं भित्र र बाहिरका समेत गरी ३० वटा टिमले सहभागिता जनाउने आयोजक क्लबका जगदिश महर्जनले जानकारी गराउनु भएको छ। प्रथम पुरस्कार नगद पचास हजार रुपैया, ट्रफी, मेडल र सर्टिफिकेट रहेको उक्त प्रतियोगिताको टाइ सीट सार्वजनिक भईसकेको छ।

उद्घाटन खेल भाद्र २२ गते शुक्रबार १ बजे आयोजक क्लब कीर्तिपुर भेट्रान क्लब र बिजी फुटसलको बिचमा हुनेछ।

उत्साहजनक सहभागिता रहेको यो प्रतियोगितामा निम्न पुरस्कार रहेका छन।

प्रथम पुरस्कार: रु. ५०००० (नगद पचास हजार रुपैया), ट्रफी, मेडल र सर्टिफिकेट
दोश्रो पुरस्कार: रु. २५००० (नगद पच्चिस हजार रुपैया), ट्रफी, मेडल र सर्टिफिकेट
बेस्ट कीपर : रु. २५०० (नगद पच्चिस सय रुपैया) र ट्रफी
बेस्ट प्लेयर : रु. २५०० (नगद पच्चिस सय रुपैया) र ट्रफी
हाइ स्कोरर : रु. २५०० (नगद पच्चिस सय रुपैया) र ट्रफी

टाइ सीट

खेल सुरु हुने समय

खेल मैदान

सोफेस नेपालको १६ औँ वार्षिक साधारण सभा आज असार १४, २०७७ (Jun 28, 2020) मा सम्पन्न भएको छ। जूमको प्रयोग गरेर सम्पन्न भएको आजको साधारण सभा, संस्थाकाे स्थापनाकालदेखिको गतिविधिहरु मा एक ऐतिहासिक घटना थियो। २५ जना सदस्य उपस्थित उक्त सभामा सोफेस नेपालका महासचिव श्री देवराज महर्जनले सबै पहुनाहरूलाइ स्वागत गर्नुभएको थियो भने संस्थाका अध्यक्ष प्रा. डा. रामकृष्ण महर्जनले वार्षिक प्रतिवेदन प्रस्तुत गर्नुभएको थियो। 

कोभिड – १९  का कारण गतबर्ष गर्ने भनिएका १५ औँ सोफेस स्मारिका प्रकाशित गर्ने कार्यक्रम र एम फिल र पीएचडी शोध प्रबंध सम्बन्धी सेमिनार गर्न नसकिएको जानकारी गराइएको थियो। चालू आर्थिक वर्ष पनि सकिन लागेकोले दुबै आर्थिक वर्षलाई पुनर्बिचार गर्दै नयाँ कार्यक्रम प्रस्ताब गरिएको थियो भने नन्दकुमारी महर्जनले पछिल्लो आर्थिक वर्षको आर्थिक प्रतिवेदन पेश गर्नुभएको थियो।   

कन्फ्रेन्सिङ् प्लेटफर्म जुम प्रयोग गरि सोफेस नेपालको १६ औँ वार्षिक साधारण सभा सम्पन्न

सल्लाह सुझाबको आव्हान गर्दा केही सदस्यहरूले समाजको सम्भावनाहरूको प्रयोग गरेर यस असहज परिस्थितिमा वेबिनार सञ्चालन गर्न सुझाव दिनुभएको थियो। अध्यक्षले प्रतिवेदनमा सुझावहरू समावेश गर्ने कुरा सुनिश्चित गरेसंगै प्रतिबेदनहरू सर्वसम्मतिले पारित गरियो। श्री प्रकाश महर्जनलाई लेखा परीक्षकको रूपमा नियुक्त गर्ने निर्णय भएपश्चात प्रा. डा. श्यामकृष्ण महर्जनलाई बैठकको माइन्युट् हस्ताक्षर गर्नको लागि मनोनयन गरिएको थियो।

शारीरिक शिक्षा तया खेलकुद समाज (SOPHES) नेपाल एक गैरसरकारी संस्था हो जसले खेलकुद र शिक्षा तथा खेलकुद र विज्ञानको सम्बन्ध स्थापना गरि खेलकुदको बिकास तथा प्रवर्धन गर्ने लक्ष्य लिएको छ। सोफेस नेपालले हरेक बर्ष सोफेस स्मारिका प्रकाशित गर्दै आइरहेकोछ। सोफेस नेपालले नगद पुरस्कार सहितको राष्ट्रिय स्तरको टेबुल टेनिस प्रतियोगिता ८ औँ संस्करणसम्म आयोजना गरिसकेको छ र आगामि दिनहरुमा पनि सो कार्यलाई निरन्तरता दिने छ। माध्यमिक तहको स्वास्थ्य र शारीरिक शिक्षा ऐच्छिक विषय लिएर अध्ययन गरिरहेका गरीब विद्यार्थीहरूलाई छात्रवृत्ति प्रदान गरिरहेको यो संस्थाले शिक्षा र खेलकुदको क्षेत्रमा महत्वपूर्ण योगदान पुर्‍याउने केही व्यक्तित्वहरूलाई सम्मानित पनि गरेको छ।

विभिन्न क्षेत्रका विविध बिशेषता भएका सदस्यहरूनै सोफेस नेपालको सवल पक्ष हुन्। यसले विशेष गरी जीवनोपयोगी शिपहरु, सकारात्मक चिन्तन, प्रभावकारी वेब खोजी, बृहत यौनिकता शिक्षा, शिक्षा र खेलकुदका केही समसामयिक मुद्दाहरूमा पनि विभिन्न सेमिनारहरू आयोजना गरेको छ।